Терминали Express Pay-ро бо ишораи «Нуқтаи харидорӣ ва пуркунии тавозуни корти нақлиётии CITY CARD» бо ранги кабуд дарёфт намоед.

1. Навиштаҷоти City Card-ро дар экрани асосӣ пахш намоед.

2. Дар экрани пайдошуда рақами телефони худро навишта тугмачаи «Ба пеш»-ро пахш намоед.

3. Пулро ба пулқабулкунак гузоред. Пардохти минималӣ 10 сомонӣ мебошад. Имкони пардохт аз 10 сомонӣ зиёд низ мебошад. Пардохтро бо пахши навиштаҷоти «Пардохт» тасдиқ намоед.

4. Пас аз пардохт терминал ба Шумо корти пластикии City Card-ро медиҳад, ки минбаъд Шумо метавонед онро ҳангоми пардохти роҳкиро истифода баред.

5. Ба рақами телефонии навишташудаи Шумо паёмак (СМС) оид ба пардохт ва тавозуни корт фиристода мешавад.

6. Арзиши корти нақлиётӣ 10 сомониро ташкил медиҳад, ки аз он 4 сомонӣ дар тавозуни корт то итмоми муҳлати истифодабарии он нигоҳ дошта шуда, 6 сомонии дигар барои пардохти роҳкиро истифода карда мешавад.

1. Кортро ба кортқабулкунак гузоред ва баъдан дар экран маълумот дар бораи тавозуни Шумо пайдо мешавад.

2. Барои пуркунии тавозуни корти нақлиётӣ дар экрани пайдошуда тугмачаи «Ба пеш»-ро пахш намоед.

3. Пулро ба пулқабулкунак гузоред.

4. Пардохти маблағро бо пахши тугмачаи «Пардохт» тасдиқ намоед.

5. Баъдан Шумо маълумотро оид ба гузариши маблағи худ ва тавозуни корт мебинед.

6. Пас аз ин амалиёт терминал ба Шумо кортро бар мегардонад ва Шумо метавонед онро истифода намоед.

Терминали Express Pay-ро бо ишораи «Нуқтаи пуркунии тавозуни корти нақлиётии City Card» ё «Нуқтаи харидорӣ ва пуркунии тавозуни корти нақлиётии City Card»-ро бо ранги сурх дарёфт намоед.

1. Корти пластикии City Card-ро ба кортқабулкунак, ки дар тарафи рост назди пулқабулкунак ҷойгир аст, гузоред.

2. Дар муддати 2-3 сония дар экрани терминал маълумот дар бораи тавозуни корт пайдо мешавад.

3. Барои пуркунии корти нақлиётӣ дар экрани пайдошуда тугмачаи «Ба пеш»-ро пахш намудан зарур аст.

4. Пулро ба пулқабулкунак гузоред.

5. Пардохти маблағро бо пахши тугмачаи «Пардохт» тасдиқ намоед.

6. Баъдан Шумо маълумотро оид ба гузариши маблағи худ ва тавозуни корт мебинед.

Пас аз ин амалиёт терминал ба Шумо кортро бар мегардонад ва Шумо метавонед онро истифода намоед.

Кортҳои роҳкироро дар нақлиёти ҷамъиятӣ аз тамоми нуқтаҳои савдо бо ишораи «Фурўши кортҳои нақлиётӣ» метавонед харидорӣ намоед.

Бо ташаббуси Лоиҳаи “Корти шаҳрӣ” - и ҶДММ «Авесто Гуруҳ» дар арафаи соли нави мелодӣ аз ҷониби Лоиҳа озмунҳои “Ронандаи беҳтарин” ва “Мусофири беҳтарин” гузаронида шуд.

Мақсади гузаронидани Озмуни “Мусофири беҳтарин” ин қадр намудан ва ҳавасмандгардонии моддию маънавии истифодабарандагони кортҳои нақлиётӣ (мусофироне, ки ҳаққи роҳкироро тариқи ғайринақдӣ пардохт менамоянд), баланд бардоштани сатҳу сифати хизматрасонӣ ва бо ин васила ҷалб намудани мусофирон ва тақвият бахшидани раванди татбиқи Лоиҳаи «Низоми пардохти электронии роҳкиро ва назорати он дар нақлиёти автомобилии истифодаи умуми шаҳри Душанбе» гузаронида шуд.

1. Тариқи Низоми ягонаи Лоиҳа «Корти шаҳрӣ» мусофири беҳтарин аз руи рақами корт (корти нақлиётие, ки ба он пардохти ҳаққи роҳкироро ба роҳ мемонанд) муайян карда шуд.

2. Шумораи мусофири беҳтарин 20 адад муқаррар шуда, аз руи тарофаҳои зерин гузаронида шуд:
- тарофаи «Хуш омадед»;
- тарофаи «Тахфифӣ»;
- тарофаи «Донишҷў»;
- тарофаи «Наврас».

3. Ба ҳисоби (счет) корти нақлиётии ҳар як мусофири беҳтарин мукофотпулӣ дар ҳаҷми 200 сомонӣ гузаронида шуд.

4. Инчунин, ба ғолибон туҳфаҳои омода намудаи Ширкати обҳои ташнашиканӣ «Сиёма» тақдим карда шуд.

1. Иштирокчиёни озмун, ронандагони нақлиёти мусофиркашони Корхонаҳои коммуналии воҳиди давлатии “Автобус – 1”, “Автобус – 2”, “Автобус – 3” ва “Троллейбус” – и шаҳри Душанбе ба ҳисоб мерафтанд.

2. Аз ҳар як корхонаи коммуналии нақлиётии пойтахт 3 нафари ронандаи беҳтарин пешниҳод гардид ва дар маҷмуъ шумораи ронандагони беҳтарин 12 нафарро ташкил доданд.

3. Критерия асосии интихоби ронадаи беҳтарин – ин тариқи низом дар ҳаҷми зиёд ворид намудани даромад, тозагии воситаи нақлиёт, сатҳи хуби муошират бо мусофирон ва ғайраҳо ба ҳисоб мерафт.

4. Ба ғолибони озмун дар ҳаҷми 1000 сомонӣ мукофотпулӣ, инчунин туҳфаҳои солинавӣ тақдим карда шуд.

Дар амалишавии Лоиҳаи “Низоми пардохти электронии роҳкиро ва назорати он дар нақлиёти мусофирбари автомобилии истифодаи умуми шаҳри Душанбе” кормандони Гуруҳи назоратӣ – тафтишотӣ, инчунин волонтёрони Кумитаи кор бо ҷавонон ва варзиши назди Ҳукумати Ҷумҳурии Тоҷикистон саҳми арзандаи худро доро мебошанд.

Дар робита ба ин ва бо мақсади қадрдонии назоратчиёни Лоиҳа ва вололонтёрони Кумитаи кор бо ҷавонон ва варзиши назди Ҳукумати Ҷумҳурии Тоҷикистон озмунҳои “Назоратчии беҳтарин” ва “Волонтёри беҳтарин” гузаронида шуда, ба онҳо (3 нафар назоратчии беҳтарин ва 3 волонтёри беҳтарин) мукофотпулӣ ва туҳфаҳои солинавӣ тақдим карда шуд.